PINAIS NA GALUNGGONG
madalas, nais ay pampagana
tulad ng pinais na galunggong
kaunti man ang tangan mong kwarta
ay masarap na kahit sa tutong
pagkat payak lang ang pamumuhay
sa madaling araw na'y gigising
kape ay papainiting tunay
habang sa asawa'y naglalambing
tiyak anong sarap ng agahan
pag mutyang diwata ang kasalo
ganito'y talagang tutulaan
ng pusong tumitibok ng husto
tara, tiyan ko na'y kumakalam
pinais na galunggong ang ulam
- gregoriovbituinjr.
03.06.2024
Walang komento:
Mag-post ng isang Komento