PAGSASALIN NG AKDA
isa kong piniling tungkulin
sa buhay ko'y ang pagsasalin
mula Ingles sa wika natin
na talaga kong adhikain
upang higit na maunawa
ng madla ang akdang dakila
na likha ng mga banyaga
hinggil sa samutsaring paksa
tiya-tiyaga sa ganito
pag natapos ay isalibro
ito ang magiging ambag ko
sa panitikang Filipino
misyong ito'y di pampalipas
oras lang kundi sadyang watas
tungkulin itong nag-aatas
tutupdin ito't di aatras
- gregoriovbituinjr.
04.07.2023
Walang komento:
Mag-post ng isang Komento