matapos ang lockdown, maghahanap na ng trabaho
nasisilip na ng biyenan, wala raw asenso
anong kakainin ng pamilya kung walang sweldo?
at naikwento pa sa magulang ko ang ganito
buti't di na umatake ang gallbladder ni misis
wala ring panggastos kung sakaling siya'y matistis
ganito lang daw ba ang buhay, pulos pagtitiis?
ako raw ay pultaym na tibak na di pa umalis
saan hahanap? sinong tatanggap na pagawaan?
kung sa biodata pa lang, kayraming karanasan
na higit kalahati ng buhay, nasa kilusan
susumpa ba akong pag-oorganisa'y tigilan?
masipag bilang tibak lalo na sa pagsusulat
maagang gumising, gagawin kung anong marapat
naging sekretaryo heneral din ng ilang pangkat
magkatrabaho man, sa tungkulin pa rin ay tapat
matapos ang lockdown, iyan ang una kong adhika
maghanap ng trabahong sa pamilya'y kakalinga
kung kaya, baliin muna ang layuning dakila
magsilbi sa kapitalista, na kahiya-hiya
kahit tagahugas ng plato'y aking papasukin
upang di mapahiya sa umaasa sa akin
sana'y may makatulong sa ganitong suliranin
tanging masasabi ko'y tapat ako sa tungkulin
- gregbituinjr.
04.28.2020
Mag-subscribe sa:
I-post ang Mga Komento (Atom)
Isang buwan na ngayon sa ospital
ISANG BUWAN NA NGAYON SA OSPITAL Abril a-Tres noong isinugod si misis sa ospital sapagkat di na maigalaw ang kanang kamay, braso, hita, bint...
-
ANG DAAN PATUNGONG QUIAPO matapos ang dalawang dekada'y muling bumili ng librong Trip to Quiapo na akda ni Ricky Lee ang naunang libro n... -
KAWAWA NAMAN ANG BUWAYA kawawa naman ang buwaya sa tusong trapo iginaya dahil ba sa kapal ng balat o pangil, kaytinding kumagat buwaya'y... -
KaWaWà aba'y mahirap ding maging kasaping maralità sa Ka pisanan ng mga Wa lang Wa là ( KaWaWà ) kalunos-lunos na ang kalagayan namin...
Walang komento:
Mag-post ng isang Komento