akala nila'y balisawsaw ako sa taglagas
na sa panahong ligalig ay laging minamanas
na pawang karalitaan na itong namamalas
na alon sa dalampasigan yaong humahampas
akala nila'y balisalang ako sa tag-init
na bumabait pag nakita'y mutyang anong rikit
subalit tinitiis ko lang ang mga pasakit
upang sa gatilyo daliri'y di na kumalabit
akala nila'y balisuso ako ng balita
na batid ko na kung kailan daratal ang sigwa
ang nguso ko'y nangungudngod na sa pagdaralita
subalit sa postura ko'y di ito mahalata
akala nila'y malinaw pa itong balintataw
na lagim at lamig ng kahapon ay pumupusyaw
na kaya pang ilagan ang nakaambang balaraw
habang kinakatha ang isang magandang talindaw
- gregbituinjr.
Mag-subscribe sa:
I-post ang Mga Komento (Atom)
Gulunggulungan pala'y Adam's apple
GULUNGGULUNGAN PALA'Y ADAM'S APPLE batid natin kung ano ang alak-alakan o likod ng tuhod, nababaluktot naman batid din natin pati an...
-
ANG DAAN PATUNGONG QUIAPO matapos ang dalawang dekada'y muling bumili ng librong Trip to Quiapo na akda ni Ricky Lee ang naunang libro n... -
KAWAWA NAMAN ANG BUWAYA kawawa naman ang buwaya sa tusong trapo iginaya dahil ba sa kapal ng balat o pangil, kaytinding kumagat buwaya'y... -
PAG AKO'Y NAKATUNGANGA, AKO'Y NAGTATRABAHO pag ako'y nakatunganga, ako'y nagtatrabaho pag nakatitig sa kisame, nagninilay...
Walang komento:
Mag-post ng isang Komento