anong ipagsisipag kung wala namang gagawin?
sasabihan kang tamad sa di mo naman tungkulin?
magsisipag ka talaga kung may trabahong angkin
dahil ang lakas-paggawa mo'y kanilang bibilhin
tinatamad ka di naman dahil likas kang tamad
at di rin naman dahil iyan na ang iyong palad
kundi walang bumili ng lakas-paggawang singkad
ngunit kung may trabaho ka'y kanina pa lumakad
maglalasing ka ba kung may trabahong naghihintay
o kahit may trabaho'y tatagay pagkat pasaway
kung pahila-hilata, baka napagod kang tunay
kailangan lang, unawain ka nilang mahusay
di naman dahil patulog-tulog ka na'y tamad ka
baka iyang lakas mo'y iyo lang nirereserba
sa naghihintay na trabahong di mo malaman pa
na pag nagkatrabaho, sipag mo'y ipakikita
wala namang sadyang tamad kung ika'y magugutom
magtatrabaho ka upang pamilya mo'y mabusog
kaya magsisipag ka kung may dahilan at layon
kung tinatamad ka'y baka wala kang inspirasyon
- gregbituinjr.
Mag-subscribe sa:
I-post ang Mga Komento (Atom)
Pagbabasa sa gabi
PAGBABASA SA GABI madalas sa gabi ako nagbabasa pag buong paligid ay natutulog na napakatahimik maliban sa hilik aklat yaong tangan habang n...
-
HILA MO, HINTO KO SA TAMANG BABAAN doon lang ako umupo sa loob ng sasakyan habang samutsari ang tumatakbo sa isipan nang mabasa ang karatula... -
dalawang klaseng disenyong nais kong ipagawa tatak sa tshirt na itinataguyod kong kusa na sumasalamin sa pagkatao, puso't diwa baka pag ... -
KAYRAMING MAKA-DIYOS ANG DI MAKATAO mas nais kong magsulat kaysa sundin sila sa tradisyon nila tuwing semana santa tangi kong nagawa'y m...
Walang komento:
Mag-post ng isang Komento